Шкупи ја доби пресметката против Ренова на Чаир со 2-1 и се зацврсти на врвот на табелата во Првата фудбалска лига. Тимот на Гоце Седлоски беше за нијанса подобар ривал на овој меч, доволно за да ги освои трите бода.
Ренова добро се држеше во првиот дел, но потоа Шкупи притисна и дојде до водство. Во 55.минута Сандеј Адетунџи успеа да ја затресе мрежата на гостите.
Во 69.минута, спорен момент, Адетунџи беше во дуел со Мустафов и падна, а беше досуден пенал за Шкупи. Успешно го реализираше Фреди Алварез за удвојување на предноста, 2-0.
Во финишот, Ренова намали преку Бурхан Мустафов во 83.минута, но составот на Ќатип Османи немаше сили и да стигне до израмнување.
