Вицепрвакот на Македонија, тимот на Шкупи, потпиша двегодишен договор со одличниот играч за врска, Фреди Алварез. Интернационалецот од Костарика беше на позајмица минатата сезона, а раководството на Шкупи му понуди нов двегодишен договор комплетно откупувајќи го од костариканскиот клуб Џикарал.
На 32 настапи оваа сезона, Алварез успеа да постигне два гола, а негова најдобра одлика се асистенциите. Во шампионатот на Македонија Алварез реализираше 13 асистенции и посебно е импресивен при прекини на играта.
Шкупи се подготвува за настап на европска сцена, а следната сезона сака да биде и многу поконкурентен во трката за шампионската титула.
