Шкупи подобар од Работнички, нова „нула“ за Струга ТЛ против „лавовите“

Актуелниот првак Шкупи го совлада Работнички со 3-1 и ја намали негативата во однос на Струга ТЛ, откако лидерот и вторпат оваа сезона играше 0-0 дома против Македонија ЃП.

Бајрами во 11.минута донесе предност за Шкупи, но израмни Мазари само три минути подоцна.

Сепак, Шкупи продолжи со напади, а тоа го материјализираше преку Куевен во 33.минута и преку Цефас во 38.минута од мечот.

Во Струга, Македонија ЃП повторно се покажа како незгоден ривал и успеа да освои бод.

Шкендија со двата гола на Ералдо Чинари славеше против Академија Пандев со 2-1. Тој погоди во 31. и во 45.минута, а гостите успеаја да намалат во вториот дел, но не и да стигнат до реми.

Брегалница ја декласира Победа со 4-0 во Штип. Дарко Додев во третата минута обезбеди водство, а Даниел Мојсов во 11.минута зголеми на 2-0. Во вториот дел, Иван Николов беше двоен стрелец, во 61. и во 67.минута.

Вчера, Силекс го победи Скопје со 3-1.

ПРВА ЛИГА, 23.КОЛО – РЕЗУЛТАТИ

ШКУПИ – РАБОТНИЧКИ 3-1

СТРУГА ТЛ – МАКЕДОНИЈА ЃП 0-0

ШКЕНДИЈА – АКАДЕМИЈА ПАНДЕВ 2-1

БРЕГАЛНИЦА – ПОБЕДА 4-0

ВЧЕРА: СИЛЕКС – СКОПЈЕ 3-1