Македонските прволигаши Шкупи и Работнички ги заокружија подготовките во Анталија и се враќаат во Скопје. Тимот од Чаир одигра четири пријателски натпревари, ремизираше против Нефчи Кохор (0-0), Челик (2-2) и против Рипенсиа (1-1), а загуби од Фероникели (0-1).
Работнички го заокружи престојот со тренинг натпревар против украинскиот Олимпик Доњецк (1-1). Стрелец на голот беше Давид Тошевски од пенал. Составот на Ратко Достаниќ тестираше и со бугарскиот клуб Пирин Благоевград (1-1) и со рускиот Томск (0-0).
