Лидерот на табелата во македонскиот шампионат, тимот на Шкупи, го заврши престојот во тренинг кампот во Анталија и се враќа во Скопје. Составот на Гоце Седлоскин одигра пет пријателски натпревари, од кои загуби два, двапати ремизираше, а победи против Сумгајт со 2-1.
Шкупи во зимскиот преоден рок доведе неколку засилувања. Омар Имери го засили нападот, Гаги Маргвелашвили дојде како замена за повредениоит централен дефанзивец Абдул Рватубијаје, а средниот ред е посилен за Ѓорѓи Стоилов.
Од тимот си заминаа Кире Маркоски, Матеј Цветаноски, а на позајмица се Рејан Абази, Бери и Едгард.
Шкупи последниот тест пред стартот на првенството ќе го има против Каменица Саса, а во првото пролетно коло го пречекува тимот на Академија Пандев.
