Македонскиот прволигаш Шкупи го претстави Хамза Рамани како ново засилување. Младинскиот репрезентативец од Силекс пристигна на Чаир. Всушност, тој се враќа во клубот каде ја мина младинската школа.
„По поканата што ми ја упати првиот човек на клубот, не ни размислував многу дали ќе кажам „да“. Со Шкупи сакам да постигнам уште поголем успех во кариерата. ќе се обидам заедно со моите соиграчи да го дадеме најдоброто, прво во европските натпреварувања, а потоа и во домашното првенство“, изјави Рамани.
Хамза Рамани во последната сезона со Силекс забележа 26 настапи на кои постигна два гола, а еднаш беше и асистент. Тој во моментов е со младата селекција на Македонија до 21 година.
