Левски Софија подобро ги искористи своите можности, па Бугарите се радуваа на првиот гол во двомечот со Шкупи на патот кон Конференциската лига на УЕФА. Откако на стартот на мечот „чаирчани“ промашија празна мрежа, по половина час ги стигна казната.
Рикардињо успеа да исконтролира висока топка, стоперот на Шкупи падна барајќи фаул, а откако судиите останаа неми, топката дојде до Велтон Фелипе кој ја смести во мрежата.
