Македонскиот прволигаш Шкупи продолжува со инвестирањето во клупската надградба. По најавата дека ќе гради нова клупска база на локација во Бутел, раководството на Шкупи обезбеди и модерен автобус за тимот. Во иднина, Шкупи ќе патува на гостувањата со модерно дизајниран сопствен автобус.
Ова е потврда дека во Шкупи сериозно вложуваат во подобрување на условите за работа во сите сегменти. Набрзо треба да бидат готови и новите соблекувални, а стадионот во Чаир ќе добие и нова трибина.
