Шкендија без голови против „пандевци“, Шкупи побегна на „+10“, Работнички слави на Автокоманда

Актуелниот првак Шкендија не успеа да слави во дербито (0-0) против Академија Пандев, а тоа значи и уште поголема негатива во однос на Шкупи на врвот на табелата. Сега тетовци доцнат огромни десет бода зад Шкупи.

Лидерот Шкупи успеа да го совлада Тиквеш на Чаир со 3-2. Тимот на Гоце Седлоски поведе со голот на Бразилецот Куевен во 41.минута, а Сандеј Адетунџи во 59.минута зголеми на 2-0.

Драган Стојков намали во 77.минута, но Сандеј Адетунџи повторно донесе два гола предност за Шкупи во 86.минута. Тиквеш беше жилав ривал и преку Анаел Нгоба постигна и втор гол во 88.минута, но, сепак, бодовите останаа на Чаир.

Работнички оствари важен триумф (0-1) на „Автокоманда“ против Скопје. Стрелец на единствениот гол беше Методи Максимов во 45.минута од натпреварот. Марио Станковски извлече противнапад, го проигра Максимов, кој успеа да ја затресе мрежата на Андреја Ефремов пред самиот крај на првото полувреме.

Струга Трим Лум го освои Велес совладувајќи го Борец со 0-1. Буњамин Шабани во 50.минута беше човек на одлука на овој меч.

Натпреварот меѓу Пелистер и Ренова е одложен поради снег на стадионот „Петар Милошевски“ во Битола и ќе се одигра утре, со почеток во 14 часот, во Охрид.

Вчера, Македонија ЃП го совлада тимот на Брегалница со 2-1.

ПРВА ЛИГА, 21.КОЛО – РЕЗУЛТАТИ

ШКЕНДИЈА – АКАДЕМИЈА ПАНДЕВ 0-0

ШКУПИ – ТИКВЕШ 3-2

СКОПЈЕ – РАБОТНИЧКИ 0-1

БОРЕЦ – СТРУГА ТРИМ ЛУМ 0-1

ПЕЛИСТЕР – РЕНОВА (ОДЛОЖЕНО ЗА УТРЕ)

ВЧЕРА: МАКЕДОНИЈА ЃП – БРЕГАЛНИЦА 2-1