Севилја му го нанесе третиот пораз на Атлетико Мадрид во Ла Лига оваа сезона и го направи супер- интересен финишот од првенството во Шпанија. Тимот од Андалузија славеше со 1-0, со голот на Маркос Акуња во 70.минута, па сега предноста на Атлетико Мадрид е достижна со само еден натпревар.
Во првиот дел, Севилја не искористи и пенал. Јан Облак го одбрани ударот на Лукас Окампос од белата точка во осмата минута од мечот.
Реал Мадрид во моментот има негатива oд три бода во однос на Атлетико Мадрид, а Барселона доколку утре го победи Валјадолид на „Камп Ноу“ ќе се доближи на само два бода до лидерот.
До крајот на шампионатот во Ла Лига остануваат уште девет кола.
Тимови
