Дефанзивецот на ПСЖ, Серхио Рамос, е подготвен да го продолжи договорот со францускиот клуб. 36-годишниот Шпанец е отворен за разговори за нов договор.
Актуелниот договор на играчот истекува на крајот од сезоната.
Раководството на ПСЖ пред една година размислуваше да ја прекине соработката со играчот поради неговата повреда. Сепак, тој сега почна да игра во континуитет и е еден од столбовите во одбраната.
Рамос за парижаните настапува од минатото лето кога на слободен трансфер дојде во тимот од Реал Мадрид.
