Connect with us

Серхио Рамос го напушта мексиканскиот Монтереј и планира повторно да игра во Шпанија

Искусниот шпански дефанзивец и легендарен фудбалер на Реал, Серхио Рамос (39) ја напушта мексиканската екипа Монтереј како слободен играч.

Договорот на Рамос со мексиканскиот клуб истекува во декември годинава, а фудбалерот нема намера да го продолжи. Сега тој е во потрага по нов клуб, кој можеби ќе биде и последниот во неговата богата играчка кариера.

Шпанските медиуми веднаш почнаа со шпекулации за неговата иднина, а едно од изненадувањата е можноста Рамос да се врати во Шпанија и да се приклучи на второголигашот Кордоба.

Клубот од Андалузија моментно е седмопласиран во Сегунда и се бори за врвот на табелата. Според извори, тие веруваат дека доаѓањето на Рамос би било голема придобивка, не само поради искуството што го носи на теренот, туку и за промоцијата на клубот.

Инаку, Кордоба се наоѓа блиску до родниот град на Рамос, Камас, близу до Севилја, што дополнително ја поттикнува оваа можност за враќање во Шпанија.

Advertisement
Advertisement
Advertisement

Facebook

Тимови