Македонскиот првак Шкендија утревечер го игра четвртиот натпревар од главната фаза во Конференциската лига на УЕФА, во Приштина против косовскиот тим Дрита. На денешната прес-конференција, тренерот Јетон Беќири зборуваше за своите очекувања од мечот.
„Се надевам дека ќе биде спектакл и на трибините и на теренот. Сигурен сум дека и тимот на Дрита и нашиот тим се подготвени да го дадат максимумот. Овој натпревар има големо значење. Се надеваме на позитивен резултат, а за нас тоа значи победа. Важно е да имаме фер натпревар, а нека победи тимот што ќе покаже повеќе на теренот, или најдобро ќе ги искористи своите шанси.
Сите играчи се подготвени и мотивирани, и сигурен сум дека тие што ќе излезат на терен ќе го дадат својот максимум“, изјави Беќири.
