Легендарниот фудбалер, а сега претседател на Фудбалската федерација на Црна Гора, Дејан Савичевиќ, зборуваше за плановите за формирање на Регионална лига на Балканот. Тој вели дека и покрај желбите – нема да има ништо од тоа.
„Вие новинарите ја потенцирате оваа приказна и не знам од која причина. Гледате дека времињата се многу бурни, и по толку многу години – страстите сè уште не се смирија од сите три страни. Станува малку подобро, но наскоро се зборува за одредено раздвојување, така што има голема напнатост. Дали некој навистина мисли дека Црвена Звезда може да оди во Сплит и да одигра некој меч или дека Хајдук може да дојде во Белград пред српската публика“, вели Савичевиќ.
Проблеми би имало од организациска природа.
„Покрај безбедносниот предизвик, имате и административни бариери. Кој ќе ја води таа лига, кој ќе води, кој ќе суди, кој ќе казнува? Премногу е лесно да се прифати, но фудбалот не е кошарка. Фудбалот е фудбал. Полесно е да контролирате две или три илјади луѓе отколку 20 или 30 илјади. Нема полиција што може да го канализира и регулира тоа“, дополни популарниот Дејо.
