Фудбалската репрезентација на Македонија ќе ја пречека Грузија утревечер, на Националната арена „Тодор Проески“ во Скопје, со почеток во 20.45 часот, а гостите се првопласирани во групата, откако остварија две победи на стартот од новото издание во Лигата на нации.
Селекторот на Грузија, Вили Сањол, е оптимист во пресрет на утрешниот меч против Македонија во Скопје.
„Македонија има несомнен квалитет, имаме макскимален респект, но секако сакаме да го продолжиме победничкиот од. Ако можевме да победиме на гости против Бугарија, ќе се обидеме тоа да го сториме и против Македонија. Нема да биде лесно, но ние сме подготвени и максимално мотовирани“, изјави селекторот на Грузија.
