Македонскиот прволигаш Македонија Ѓорче Петров го ангажираше напаѓачот Самир Фазли. Тој се враќа во Ѓорче Петров каде и ја почна кариерата, а потоа замина во Холандија.
29-годишниот напаѓач доаѓа во Македонија ЃП како слободен агент откако замина од Шкендија. Фазли е најново засилување за „лавовите“ по Изет Ајрулаху, Чарлестон и Робсон да Силва. Овој квартет треба да им помогне на ѓорчепетровци да се задржат на високите позиции на табелата и да конкурираат за пласман на европска сцена.
Фазли покрај за Шкендија во кариерата играше и за Херенвен, Хелмонд, Вил, Рудеж.
