Напаѓачот на Ливерпул, Мохамед Салах, постави рекорд по голови на европските турнири за англиските тимови.
31-годишниот Египќанец влезе како замена и во дополнителното време го постави конечниот резултат на натпреварот меѓу Ливерпул и Тулуз (5-1) во третото коло од групната фаза на Лига Европа.
Голот беше 43-ти за Салах во европските натпреварувања, со што го надмина поранешниот напаѓач на Арсенал, Тиери Анри (42 гола) и постави нов рекорд на постигнати голови за англиски клуб во европските натпреварувања.
Ливерпул води во групата Е со максимални девет бода по три одиграни натпревари во ЛЕ.
