Сенегалскиот интернационалец Садио Мане ќе го напушти Баерн Минхен по само една сезона. Германските медиуми истакнуваат дека тој е непожелен во соблекувалната и голем дел од фудбалерите воопшто не комуницираат со него. Ова откако предизвика инцидент и го нападна соиграчот Лирој Сане по поразот (3-0) од Манчестер Сити на „Итихад“.
Во меѓувреме, клубот му одреди огромна казна за тоа. Според „Билд“, Баерн Минхен го казнил Садио Мане со парична казна од 350.000 евра поради екстремното нарушување на клупската дисциплина.
Сепак, тој се очекува да биде во составот на Томас Тухел за денешниот реванш меч против Манчестер Сити во ЛШ.
