Саботна програма во Првата лига, затоа што в недела има – локални избори

Натпреварите од десеттото коло во Првата македонската фудбалска лига ќе се играат в сабота, на 16. октомври. Вака одлучи Натпреварувачката комисија на ФФМ поради одржувањето на локалните избори во Македонија кои се закажани за 17 октомври.

Претстојниот викенд нема прволигашки возбудувања поради паузата предвидена за настап на репрезентациите во квалификациите за СП во Катар.