Руската фудбалска федерација изрази надеж дека Полска и Шведска ќе претрпат официјални службени порази доколку одбијат да играат во претстојните квалификации за Светското првенство во Катар. Ова го пренесе „ТАСС“, цитирајќи го потпретседателот на федерацијата, Денис Соловјов.
Руската репрезентација на 24. март во Москва треба да го одигра полуфиналниот натпревар против Полска, а победникот од овој меч ќе ги одмери силите со Шведска или со Чешка. Последниот натпревар треба да се одигра на теренот на победникот од двојката Русија – Полска.
Сепак, Полска, Шведска и Чешка изградија заеднички став дека нема да патуваат за Москва.
„Засега нема официјален став од ФИФА за изјавите од 24 февруари. Се друго е гатање. Има правила и ако Швеѓаните или некој друг одбие да игра, тогаш треба да се почитуваат правилата и затоа мора да се пласираме на Светското првенство“, изјави Денис Соловјов.
