Рускиот интернационалец Џамал Дибиргаџиев е петтото засилување на Шкупи за новата сезона, откако овој 24-годишен напаѓач денеска го стави потписот на тригодишниот договор со македонскиот прволигаш.
Височината (192 см) е голем адут на рускиот голгетер во дуелите со противничките дефанзивци, а се очекува Дибиргаџиев утре да пристигне во Скопје и веднаш да почне со тренинзи под водство на стручниот штаб, во обид да биде во комбинација за настап за премиерниот натпревар против Шкендија. Тој доаѓа во мак-фудбалот од рускиот второлигаш Черноморец, за кој минатата сезона постигна 12 погодоци на 16 одиграни натпревари. Претходно Џамал има настапувано и за првиот и за вториот тим на Анжи, како и за португалскиот второлигаш Фатима.
Шкупи претходно потпиша договор со голманот Наумовски, а во своите редови ги доведе и Костариканецот Фреди Алварез, Фират Гулу од Галатасарај, како и Илирид Адеми од редовите на Ренова.
