Шкупи ја пречекува Брегалница на Чаир во првиот натпревар од 12. коло во Првата македонска фудбалска лига. По првиот круг од првенството, тимот од Чаир обезбеди пет бода предност пред најблиските ривали на табелата, а на секој нареден натпревар ја докажува својата класа и амбиција за шампионската титула.
Пред денешниот натпревар со Брегалница, дефанзивецот Абдул Руатубјаје потенцира дека Шкупи секогаш размислува единствено за победа.
„Имаме десет натпревари без пораз и ќе продолжиме во силно темпо да настапуваме во дресот на нашиот клуб. Продолжуваме да се бориме за титулата, ќе продолжиме да се бориме на секој меч за три бода, секогаш почитувајќи ги противниците. Секој натпревар за нас оваа сезона ќе биде финале“, изјави Руатубјаје.
