Португалската мегаѕвезда Кристијано Роналдо стана најдобар стрелец во историјата на европските првенства откако во финишот со гол од пенал, а потоа и од игра донесе триумф од 3-0 против Унгарија. Роналдо сега има 11 гола на европските првенства и го надмина Мишел Платини (9), а има постигнато гол дури на пет последовни европски првенства.
Португалија не можеше да го скрши отпорот на Унгарците до 84.минута кога погоди Рафаел Гереиро. Потоа Кристијано Роналдо од пенал во 87.минута, а во судиското продолжение уште еднаш ја затресе мрежата на Петер Гилаши.
