Португалската ѕвезда Кристијано Роналдо дефинитивно заминува од „Олд Трафорд“. Тој побарал од раководството на клубот да ја одреди отштетата за него, а тој ќе обезбеди финансиски средства за да биде слободен агент и непречено да замине во друг клуб.
Неговиот агент Жорге Мендеш предложил поради лојалност клубот да го ослободи Роналдо без обештетување, но тоа било одбиено.
Португалецот сака да го напушти „Олд Трафорд“ за да игра во Лигата на шампионите, а се чини дека сега е најблиску до враќање дома, во Спортинг Лисабон.
Тој сака да игра во Лигата на шампионите за да ги подобри рекордите кои се во негова сопственост плашејќи се дека тие во иднина би можеле да бидат надминати од Лионел Меси.
