Фудбалската репрезентација на Португалија ремизираше без голови против Република Ирска и се израмни според бројот на бодови со Србија, во пресрет на меѓусебната пресметка во Лисабон во последното коло.
Португалците имаат предност поради подобрата гол-разлика и ќе им одговара реми во битката за првото место.
Најголемата португалска ѕвезда Кристијано Роналдо испрати порака до фановите ветувајќи дека нивната селекција ќе обезбеди пласман на Светското првенство.
„Секогаш е тешко да се игра во Ирска, но освоениот бод остава се во наши раце. Во недела, пред нашите навивачи и во нашиот дом, ќе го запечатиме пласманот на СП во Катар“, порача Роналдо преку социјалните мрежи.
