Ривалството меѓу Кристијано Роналдо и Лионел Меси никогаш нема да заврши. Според најновите податоци, Португалецот е моментално фудбалерот со најмногу хет-трик остварувања од 2000 година до денес.
Благодарение на хет-трикот во победата од 3-1 против Калјари минатата недела, Роналдо се искачи на бројка од вкупно 57 хет-трик постигнувања, и е убедлив лидер пред Меси, кој досега има остварено 54.
Интересен доказ за нивната недостижност е фактот дека на трето место се наоѓа Луис Суарез со 29 хет-трик постигнувања, односно речиси двојно помалку од ѕвездата на Јувентус и 25 помалку од неговиот поранешен соиграч во Барса, Лео Меси.
Погледнете ја целосната листа на фудбалери со најмногу хет-трик остварувања во 21 век:
- Кристијано Роналдо – 57
- Лионел Меси – 54
- Луис Суарез – 29
- Роберт Левандовски – 24
- Марио Гомез – 18
- Клас-Јан Хунтелар – 18
- Серхио Агуеро – 18
- Златан Ибрахимовиќ – 17
- Хари Кејн – 15
- Единсон Кавани – 15
