Кристијано Роналдо, на 40-годишна возраст, повторно испиша историја и помести уште еден рекорд во светскиот фудбал. Легендарниот Португалец стана првиот играч кој успеал да стигне до бројката од 100 голови за четири различни клуба – Реал Мадрид, Манчестер Јунајтед, Јувентус и Ал-Наср.
Со овој подвиг, Роналдо уште еднаш потврди дека е вистинска икона на спортот.
Тој веќе е запишан како најдобар стрелец во историјата на фудбалот со повеќе од 930 голови за клубовите и репрезентацијата, како и апсолутен рекордер во Лигата на шампионите со 140 постигнати погодоци.
