Рома заглави низ каналите во Венеција (ВИДЕО)

Рома важеше за фаворит, но загуби на гостувањето во Венеција со 3-2. Во натпревар со многу пресврти, тимот на Жозе Мурињо на крајот остана без бодови.

Калдара во третата минута ја доведе Венеција во водство, но Рома сепак замина на одмор со предност. Во финишот на првиот дел стрелаа Шомуродов и Абрахам.

Но, Венеција повторно заигра многу подобро во второто полувреме. Араму го израмни резултатот од пенал во 65.минута, а Окереке девет минути подоцна постигна победнички гол за домаќинот.