Италијанскиот калчолигаш Рома сака да го задржи дефанзивецот Крис Смолинг. Актуелниот договор на Англичанецот истекува на лето, кога може да замине како слободен играч. На „Олимпико“ не сакаат тоа да се случи, особено што 33-годишниот фудбалер е клучна фигура во составот на „волчицата“. Затоа, клубот се надева дека двете страни ќе постигнат нов договор.
Смолинг пристигна во Рома во 2019 година од Манчестер Јунајтед прво на позајмица, а потоа клубот ги откупи неговите права. Тој е играчот на кој Жозе Мурињо од почетокот на сезоната му даде најголема минутажа, 1.906 минути до сега.
Во договорот на Англичанецот има клаузула, според која тој автоматски може да го продолжи договорот за една година со истата плата што ја добива во моментов – 3,5 милиони евра.
Клаузулата се активира доколку одбранбениот играч игра во најмалку 50% од натпреварите на тимот во текот на сезоната.
Рома сепак сака да побрза и веќе упатила уште една понуда до фудбалерот со договор на две сезони, но со помала плата од 2,5 милиони евра по сезона.
-
Ексклузивна колумна на Филип Лам: Чаби Алонсо – творецот на шампионот од Леверкузен
Фудбалот е, за среќа, игра. Победата и поразот понекогаш доаѓаат случајно. Кога се среќаваат...
Автор makfudbal
-
(ИН)ДИРЕКТ: Селекторе, јас не сум среќен со ваква Македонија!
Мартовскиот циклус за некого ширум Европа донесе радост каква што ние почувствувавме во 2021...
Автор Nikola Gjurovski