Рома направи голем чекор кон елитното европско натпреварување Лигата на шампионите, откако на „Олимпико“ ја продолжи својата серија без пораз, славејќи минимално над Фиорентина со 1-0.
Херој на „волчицата“ беше Артем Довбик, кој во самиот финиш од првото полувреме го скрши отпорот на гостите и ги донесе трите златни бода.
Со оваа победа, Рома се искачи на делба на четвртото место заедно со градскиот ривал Лацио, а сега има бод предност пред Јувентус, кој допрва треба да го одигра својот натпревар на тешкото гостување кај Болоња.
За Фиорентина, пак, ова беше последен воз – со поразот се збогува со сите шанси за пласман во ЛШ и ќе мора да се фокусира на други европски опции.
