Аргентинскиот ас Лионел Меси влезе во последната година од договорот со Барселона и постојано најавува дека му се смачило од развојот на настаните на „Камп Ноу“, тој постојано да биде потенциран како виновник за се. Токму затоа и размислува за заминување, а Манчестер Сити чека прв во редот за неговиот потпис.
Поранешната ѕвезда на Барселона, Бразилецот Ривалдо, вели дека има само еден начин Барселона да го убеди Лионел Меси да остане во клубот. Тимот да освои голем трофеј оваа сезона.
„Не гледам друг начин Барселона да го задржи Меси освен тимот да освои пехар во Ла Лига или уште подобро, во Лигата на шампионите. Само така Меси би можел да го промени своето мислење. Мислам дека финансиските параметри кај него не ја играат главната улога“, изјави Ривалдо.
