Хајдук Сплит и Динамо Загреб в сабота на „Пољуд“ по репрезентативната пауза ќе го одиграат дербито од 28. коло на СуперСпорт ХНЛ. Се очекува двата клуба да одат на победа, бидејќи со три бида би останале блиску до лидерот Ријека, која има 59 бода и истиот ден гостува кај последниот Рудеш. Хајдук има 55, а Динамо 54, но со натпревар помалку.
На два дена пред дербито, Динамо Загрев на социјалните мрежи објави изјава од Стефан Ристовски (32), кој сезонава забележа 19 настапи.
„Убеден сум дека успешно ќе ја поминеме сезоната! Секако дека ќе биде така, не сум ниту арогантен, ниту препотентен, знам што зборувам и знам каков квалитет имаме во соблекувалната. Почит до сите, но титулата повторно ќе се слави на „Максимир“!“, изјави Стефан Ристовски, кој со Динамо трипати ја освојуваше титулата во Хрватска, а претходно еднаш и со Ријека.
