Рико Луис ќе го продолжи договорот со Манчестер Сити. Англискиот клуб е блиску до постигнување договор со 20-годишниот дефанзивец за потпишување на нова соработка до летото 2030 година.
Минатата сезона Англичанецот одигра 28 натпревари во Премиер – лигата, постигнувајќи еден гол и запишувајќи две асистенции.
Актуелниот договор на Рико Луис со Сити е до 2028 година. Дефанзивецот е дел од клубот од Манчестер уште од 2013 година, кога започна да тренира во клупската академија.
Рико Луис има пет настапи за англиската репрезентација откако дебитираше во 2023 година.
