Репрезентативците го одржаа првиот тренинг, целта се две победи за убав крај на ЛН (ФОТО)

Фудбалската репрезентација на Македонија го одржа првиот тренинг од мини-подготовките во пресрет на двата последни натпревари од овој циклус во Лигата на нации.

“Вооружени” со капи, ракавици и тренерки, репрезентативците го почувствуваа студот во Скопје, но секако дека кога се носи дресот на Македонија – потопло е при срцето.

Македонскиот национален тим во четврток се среќава со Летонија во 20.45 часот, а три дена подоцна на гости ни доаѓа селекцијата на Фарски Острови. Нашите фудбалери се надеваат на уште две победи за убав крај на циклусот во Лигата на нации.