Ренова го победи српски Крушевац во Охрид

Македонскиот прволигаш Ренова го совлада српскиот тим Трајал Крушевац со 2-0 на пријателски натпревар што се одигра на стадионот „Билјанини извори“ во Охрид. „Гипсарите“ успеаја да го скршат отпорот на противникот во самиот финиш од натпреварот.
Арџент Гафури во 80.минута од пенал го доведе тимот на Ренова во водство. Само три минути подоцна мрежата на српскиот тим ја затресе и Илирид Адеми.