Фудбалерите на Шкендија кои не се дел од нивните репрезентации, денес гостуваа во Тирана, каде одиграа пријателски натпревар против албанскиот прволигаш, Партизани.
Партизани го отвори натпреварот во 19. минута преку Марку, а на самиот крај на првото полувреме, тимот веќе имаше водство од 2-0 благодарение на Кардозо. Сепак, тетовскиот клуб не се предаде, па второто полувреме, ја анулираше предноста преку Шала и Гури.
Следен натпревар на Шкендија ќе биде оној против Академија Пандев во сабота, 16 октомври во ПМФЛ.
