Трансферите во машкиот фудбал дојдоа до вселенски граници, а кога се дамите во прашање – сега е поставен нов рекорд. Можеби звучи и тажно, но рекордниот трансфер изнесува колку неделна плата на еден фудбалер во Премиер – лигата.
Како што пренесуваат островските медиуми, женскиот фудбалски клуб Манчестер Сити ја прифатил понудата на Барселона за трансфер на фудбалерката Кира Волш. Според информациите, 25-годишната фудбалерка треба да премине во каталонскиот клуб за 400.000 евра, што е рекордна сума во женскиот фудбал.
Претходниот трансфер рекорд беше соборен во септември 2020 година, кога Перниле Хардер се пресели од Волфсбург во Челси за околу 345.000 евра.
За споредба, рекордот во машкиот фудбал моментално го држи Бразилецот Нејмар, кој во 2017 година од Барселона се пресели во ПСЖ за сума од 222 милиони евра!
