Мароко загуби од Хрватска со 2-1 во борбата за третото место. Сепак, Мароканците станаа првата африканска репрезентација што стигнала до полуфиналето на Мундијалот и тоа му дава право на селекторот Валид Реграги да биде среќен од остварениот резултат. Тој по натпреварот и честиташе на Хрватска за освоената бронза.
„Разочаран сум од вториот пораз во низа, направивме сѐ што можевме, но среќен сум што стигнавме до четвртото место. Физички беше тешко, играчите имаа малку време да се опорават. Сакавме да донесеме поголема радост на луѓето. Хрватите имаат поголемо искуство и заслужено победија, им честитам за тоа. Завршивме меѓу најдобрите четири селекции во светот и тоа е големо постигнување. Ќе учиме од ова Светско првенство и ќе работиме да се вратиме уште посилни“, изјави селекторот на Мароко.
