Фудбалерот за врска на Евертон, Хамес Родригез, призна дека можел да се пресели во Атлетико Мадрид. Во септември минатата година, Колумбиецот се пресели во Евертон од Реал Мадрид.
„Бев договорен со Атлетико, но Реал не ме пушти. Трансферот беше речиси готов. Зошто не се случи ова? Треба да го прашате Флорентино Перез“, изјави Хамес Родригез за „ЕСПН“.
Оваа сезона, фудбалерот одигра 18 натпревари во Премиер – лигата, постигна пет гола и забележа четири асистенции. Најавите се дека сака да се врати во Шпанија по завршувањето на сезоната
Евертон по 28 кола се наоѓа на осмото место на табелата во Премиер – лигата.
