
Огромен предизвик би можел да го врати Јирген Клоп во тренерската професија. Реал Мадрид размислува за опцијата Германецот да го преземе тимот уште ова лето.
„Кралевите“ во Клоп гледаат совршен наследник на Карло Анчелоти, бидејќи Германецот докажал дека одлично работи со ѕвезди и знае како да развива млади таленти. Од почетокот на оваа година, поранешниот менаџер на Ливерпул е глобален директор за фудбал во „Ред Бул“, но понуда од Реал сигурно би го натерала да размисли да се врати експресно на тренерската професија.
Клоп беше посакуван и од фудбалските федерации на Бразил и на САД, но малку е веројатно дека го привлекува идејата да стане селектор. Во исто време, Анчелоти останува избор број 1 за Бразилците, па ако Италијанецот ја прифати понудата, преговорите со Клоп ќе станат реална можност.
Досега Чаби Алонсо се споменуваше како најсериозен кандидат за наследник на Карло Анчелоти на клупата на Реал Мадрид.

-
МАКФУДБАЛ ТИМ НА КОЛОТО ВО ПРВАТА ЛИГА
Почна новата сезона во Првата фудбалска лига, а фаворитите веднаш се наметнаа со убедливи...
Автор makfudbal
-
МАКФУДБАЛ ИГРАЧ на колото: Димитар Данев (Вардар)
Вардар убедливо го совлада Пелистер (4-1) во вечното дерби, а неверојатно првенствено деби за...
Автор makfudbal

Евро-фудбал
Манчестер Сити подготвува понуда за Родриго
