Иднината на бразилската ѕвезда Родриго во Реал Мадрид е под сериозен знак прашалник, и покрај неговите изјави дека сака да остане во „кралскиот клуб“. Според шпанските медиуми, клубот е подготвен да го пушти 24-годишниот офанзивец доколку стигне соодветна понуда – и тоа не помала од 80 милиони евра, а сумата може да скокне и до 100 милиони, зависно од бонусите.
Новата ера под водство на Чаби Алонсо носи со себе промени, а Родриго не е меѓу недопирливите. Иако договорот му важи до јуни 2028 година, Реал е отворен за преговори, особено ако тоа значи дополнителни средства за нови засилувања.
За потписот на Родриго веќе се интересираат неколку големи клубови, меѓу кои Челси и Арсенал се најактивни. Англичаните внимателно ја следат ситуацијата, со надеж дека Бразилецот ќе стане достапен за трансфер летово.
