Напаѓачот на Манчестер Јунајтед, Маркус Рашфорд, се забавувал во ноќен клуб по тешкиот пораз од Манчестер Сити со 3:0 во дербито пред да се пријави на тренинг во понеделник наутро, тврди британски „Телеграф“. Се претпоставува дека англискиот репрезентативец бил во популарниот ноќен клуб „Chinawhite“ во центарот на Манчестер до доцна по полноќ, славејќи ја роденденската забава организирана од неговите блиски пријатели.
Сепак, Рашфорд, кој денеска наполни 26 години, навреме се појавил на тренингот на тимот во понеделник.
Неговата ноќна прослава веројатно нема да помине добро кај навивачите на Манчестер Јунајтед кои се разочарани од поразот од Манчестер Сити и лошиот старт на сезоната за тимот.
