По разочарувачките резултати на „аѕурите“ и фијаското против Норвешка, иднината на Лучијано Спалети на клупата на Италија е под сериозен знак прашалник. Спалети најави разговори со Италијанската фудбалска федерација и порача дека „Италија мора да си постави прашања“.
Во меѓувреме, медиумите во Италија, веќе шпекулираат со имиња кои би можеле да го наследат. Еден од нив е легендарниот Клаудио Раниери, кој неодамна се пензионираше, но, како што стојат работите, би можел повторно да се активира – овојпат како селектор на националниот тим, што е негова стара желба.
Раниери (73) неодамна си замина од кормилото на Рома, отстапувајќи место на Џанпјеро Гасперини, и беше назначен за главен советник на сопственикот на клубот. Сепак, идејата да ја води Италија би можела да биде доволно привлечна да се врати на теренот.
Покрај Раниери, кандидати се и Даниеле Де Роси, негов поранешен играч во Рома, кој веќе има селекторско искуство, Стефано Пиоли, кој се очекува да си замине од Ал-Наср и е фаворит за нов тренер на Фиорентина, но во исто време е прв фаворит и за селекторската позиција.
