Хрватскиот стратег Иван Јуриќ ќе продолжи да ја извршува тренерската функција во Рома. Сопствениците на римскиот клуб, семејството Фридкин, решија да му дадат доверба на Хрватот и веруваат дека тој може да му донесе успеси на тимот во иднина.
По поразот од Верона имаше шпекулации дека деновите на Јуриќ во Рома се избројани. Се појавија информации дека раководството веќе води преговори со Масимилијано Алегри и со Маурицио Сари како потенцијални наследници на хрватскиот стратег. Меѓу имињата за можни нови кормилари се појавија и Роберто Манчини, Един Терзиќ, Френк Лампард и Пауло Соуса, но засега Јуриќ останува на кормилото.
Рома има само една победа во последните пет натпревари во првенството и дури три порази, а се наоѓа на 12. позиција на табелата во Серија А.
