Мино Раиола, наводно, ги намалил барањата од клубовите кои сакаат да го ангажираат Џанлуиџи Донарума ова лето. Италијанскиот голман ќе го напушти Милан како слободен агент по девет години во клубот, откако не успеа да се договори за нов договор на “Сан Сиро”.
“Росонерите” брзо реагираа и како замена, го доведоа Мајк Мењон од Лил минатата седмица. Но, надежта на Донарума е да најде тим пред почетокот на Европското првенство за да може да размислува исклучиво на натпреварувањето, а не на својата иднина.
Како резултат на тоа, тој сега би прифатил и плата од 6 милиони евра по сезона, односно истата плата што ја земаше во Милано. Агентот Раиола испратил мејл на “старата дама” тврдејќи дека голманот би играл во Јувентус и под овие услови, вели “Кориере дело спорт”.
Сепак, со доаѓањето на Алегри во Торино, кој сака да го задржи Шчесни, Јуве изгледа како нереална опција, а проблемот е во тоа што другите познати тимови заинтересирани за него, како Барселона и ПСЖ, се исклучително задоволни со своите голмани.
.
