Англискиот репрезентативец Рахим Стерлинг би требало да се врати во Доха откако пред неколку дена отпатува за Лондон поради семејни причини.
Неговата куќа беше ограбена од вооружени разбојници додека во неа во тој момент биле неговата партнерка и децата. Поради грижа за нивното здравје, Стерлинг веднаш се врати во Лондон откако дознал, со што го пропушти осминафиналето на Светското првенство со Сенегал.
Сега откако проблемите се решени, тој се враќа да биде во тимот на гордиот Албион за средбата со Франција во четврт-финалето на Мундијалот. Неговото семејство успешно се опоравува од претрпениот страв.
Натпреварот меѓу Англија и Франција е закажан за в сабота од 20 часот.
