Португалската ѕвезда Рафаел Леао останува во Милан и ќе потпише нов петгодишен договор. Клубот ќе му плати на Спортинг Лисабон 19 милиони евра кои судот му наложи на Леао да ги плати бидејќи незаконски го раскинал договорот.
Милан го доведе Рафаел Леао од Лил, во 2019 година, за сума од 35 милиони евра.
Португалецот ќе заработува 5 милиони евра по сезона, а откупната клаузула во новиот договор ќе изнесува 175 милиони евра.
Леао оваа сезона одигра 44 натпревари на кои постигна 13 гола и забележа 13 асистенции. Вкупно за Милан постигна 40 гола и запиша 34 асистенции на 159 натпревари.
