Напаѓачот Рафа Мир се враќа трајно во Шпанија ова лето, бидејќи Севилјa го откупи неговиот договор од Вулверхемптон. Тој пристигна во премиерлигашот пред три и пол години, но не играше за „волците“ кои го испратија на позајмица во Лас Палмас, Нотингем Форест и во Хуеска.
Сега тие одлучија целосно да се ослободат од него и притоа ќе наптрават голем профит. Имено, Рафа Мир дојде од Валенсија за 2 милиони евра, а сега Севилја го купува за 16 милиони евра!
Рафа Мир играше за Шпанија на Олимписките игри и раководството на Севилја беше одушевено од неговите настапи. Тој ќе потпише договор до јуни 2026 година.
