Напаѓачот на Челси, Кристијан Пулишиќ, ќе отсуствува најмалку две недели, објави менаџерот Грем Потер. Американскиот репрезентативец има болки во десното колено при удар кон голот против Манчестер Сити во четвртокот.
Потер проговори за повредата по реваншот против Сити, овој пат во ФА Купот во неделата.
„Кристијан пред неколку дена лошо го удри коленото и сè уште ја анализираме неговата реална состојба. Мислам дека ќе бидат потребни неколку недели“, изјави Потер на прес-конференцијата по поразот од „граѓаните“ со 4-0.
