Кристијан Пулишиќ ги отфрли шпекулациите за конфликт со тренерот на Милан, Серџо Консеисао.
Според гласините, американскиот репрезентативец имал средба со управата на клубот и поставил ултиматум – или тој или тренерот мора да замине. Наводно, причина за ова бил конфликт по натпреварот против Динамо Загреб во Лигата на шампионите во јануари.
Сепак, Пулишиќ јасно стави до знаење дека ваквите тврдења се неточни и дека тој нема намера да го напушти клубот.
„Никогаш не сум се скарал со тренерот и никогаш не сум барал да заминам. Одлично се чувствувам во Милан и сакам да продолжам да го носам овој дрес. Читањето на вакви лаги е неприфатливо, но сите заедно ќе останеме обединети и ќе се бориме за клубот“, изјави Пулишиќ.
